Материалы отфильтрованы по дате: Қаңтар 2018

Жамбыл ауданының сыбайлас жемқорлыққа қарсы күрес мәселелері бойынша комиссия отырысына аудан әкімдігінің бөлім басшылары, ауылдық округтердің әкімдері, мекеме басшылары шақырылды.
Комиссия отырысында аудан әкімі аппараты мемлекеттік-құқықтық жұмыс бөлімшесінің басшысы Жомарт Телеуов сыбайлас жемқорлыққа қарсы заңнаманың 2017 жылы Жамбыл ауданында орындалуы туралы хабарлама жасады.
Хабарламашының айтуынша, комиссия жыл ішінде 4 отырыс өткізген. Сыбайлас жемқорлыққа қарсы және оның алдын алу бойынша атқарылған жұмыстар мен комиссияның хаттамалық шешімдерінің жылдық жоспары бекітіліп, аудан әкімінің ресми сайтында жарияланған. 12 айда аудан әкімінің орынбасарлары мен аппарат басшысында 83 азамат, ауылдық округтерге шығу кезінде 45 азамат жеке қабылдауда болып, олардың барлығына заң шеңберінде түсініктемелер мен жауаптар берілген.
Жыл ішінде 6 акция, 1 брифинг, 31 «дөңгелек үстел» отырысы, 9 семинар өткізілген, 4 рет дәріс оқылған, 20 рет сыбайлас жемқорлыққа қарсы күрес бойынша ішкі талдау іс-шаралары жүргізілген. Ашықтық пен жариялылықты қамтамасыз ету мақсатында жергілікті басылым беттерінде мақалалар тұрақты жарияланып тұрған. Аудан аумағында осы тақырыпта 13 билборд және банер орнатылған.
Жоғарыда аталған пәрменді іс-шаралар мен арнайы құрылған жұмыс тобының қызметіне қарамастан, өткен жылы ауданымызда сыбайлас жемқорлық сипатындағы 28 қылмыстық іс тіркелді. Бұл қылмыстық істер негізінен аудан әкімдігі жұмыспен қамту және әлеуметтік бағдарламалар бөлімінің, аудандық ішкі істер бөлімінің, «Жамбыл ауданы әкімдігінің ветеринариялық қызметі» шаруашылық жүргізу құқығындағы коммуналдық мемлекеттік кәсіпорнының қызметкерлеріне қатысты болып отыр. Кінәлілер жазасын алды.
Ендігі кезекте жемқорлыққа жағдай туғызатын құқық бұзушылықтарды болдырмау мақсатында «мүлдем төзбеушілік» қағидасын қамтамасыз ету жөніндегі жоспарды жүзеге асыру жұмыстарын жалғастыру қажет. Ақпараттық «Заң» нормативтік актілер базасын жаңартып отырған жөн. Бұл ретте «Сенім телефоны» мен өтініштерге арналған жәшіктердің маңызы зор екенін ұмытпаған абзал.
Комиссия отырысында аудан әкімдігі ветеринария бөлімінің басшысы Сәкен Нұржаубаев пен аудан әкімдігі жұмыспен қамту және әлеуметтік бағдарламалар бөлімінің басшысы Еркін Келесовтің есептері тыңдалды.
Комиссия мүшелерінің ұсыныс-пікірлері қаперге алынған отырыста ауданда сыбайлас жемқорлық сипатындағы қылмыстардың өсу себебін талдау, азаматтарды жеке сұрақтарымен қабылдауларды тұрақты жүргізу, қызметкерлердің құқықтық білімі мен кәсіби біліктілігін жетілдіру, мемлекеттік қызмет көрсетуде заң талаптарын бұлжытпай орындау, келеңсіз көріністерге қарсы көзқарасты қалыптастыру, тіркелген заң бұзушылық фактілеріне қайталап жол берілмеуіне қосымша шаралар қабылдау туралы хаттамалық шешім қабылданды.

Сенбі, 13 Қаңтар 2018 00:00

Сауалдар жауапсыз қалмады

Жамбыл облыстық Қоғамдық кеңесі мүшелерінің аудан тұрғындарымен кездесуінде сөз бастаған аудан әкімінің орынбасары Үміткен Найманова қонақтардың өңірімізге бүгінгі таңдағы мәнді мәселелер – міндетті әлеуметтік медициналық сақтандыру, әйелдер үшін зейнеткерлік жастың өзгеруі, атаулы әлеуметтік көмек, латын әліпбиіне көшу жайын түсіндіру мақсатында келіп отырғанын айтты.
Кездесуде сөз алған облыстық Қоғамдық кеңестің хатшысы Сембек Сейдазимов дәл осы күні баспасөз бетінде жарияланған Мемлекет басшысының Қазақстан халқына Жолдауына тоқталып, кешенді құжатта көрсетілген он басымдықтың қазіргі замандағы сын-тегеуріндерге толық жауап беретінін, ендігі кезекте баршаның Жолдауда жүктелген міндеттерді жүзеге асыруға атсалысуы қажеттігін атап өтті. Бүгінгі басқосудың мазмұны мен мәніне назар аударды.
Елімізде Елбасы қабылдаған өркениетті шешімнің бірі – ол латын әліпбиіне көшу. Ойын осылай түйіндеген облыс әкімдігі тілдерді дамыту басқармасының басшысы Сұлушаш Құрманбекова бұл мәселенің маңызына терең үңілді. Халқымыз үшін латын әліпбиін қолданысқа енгізудің берері мол. Бұл өзгеріс тіліміздің фонологиялық, лексикологиялық және терминологиялық тұрғыда дамуына, жастарымыздың ағылшын тілін жеңіл игеруіне жол ашады. Бәріміз бұл процесті қолдауға тиіспіз.
Кездесуде міндетті әлеуметтік медициналық сақтандыру жүйесі жайында сөз қозғаған облыстық мәслихаттың депутаты, облыстық мемлекеттік медициналық сақтандыру қорының жауапты қызметкері Абай Нұржанов жүйе бойынша жарналар мен аударымдарды төлеу тәртібі, мерзімі және мөлшері туралы нақты ақпарат берді. Экономикалық реформа болып табылатын бұл жүйеде әсіресе өзін-өзі жұмыспен қамтитындар статусын анықтағаны және жеке кәсіпкер ретінде тіркелгені шешуші рөл атқармақ.
Биылғы жылдан бастап елімізде осал топтардың өрлеуіне мүмкіндік беретін атаулы әлеуметтік көмектің жаңа форматы өмірге жолдама алғаны көпшілікке аян. Оның мақсаты – кедейшілік деңгейін төмендетіп, жұмыссыздықты азайту. Бұл мәселенің мәнісін облыс әкімдігі жұмыспен қамтуды үйлестіру және әлеуметтік бағдарламалар басқармасының бас маманы Марал Ділдәбекова кеңінен түсіндірді. Жаңа форматтағы атаулы әлеуметтік көмек бұған дейін қолданыста болған жәрдемақылардың үш түрін алмастырады. Ол шартсыз және шартты ақшалай көмекке бөлінеді. Шартсыз көмек еңбекке жарамды мүшелері жоқ отбасыларға, шартты ақшалай көмек отбасында кем дегенде бір еңбекке жарамды мүшесі бар отбасыларға әлеуметтік келісімшартқа қол қойып, отбасының еңбекке жарамды мүшесі жұмыспен қамту шараларына міндетті түрде қатысқан кезде ғана беріледі.
2018 жылдың 1 қаңтарынан әйелдердің зейнеткерлік жасының 2027 жылға дейін кезең-кезеңмен көтерілуін көздейтін норма туралы сөз қозғаған еңбек, әлеуметтік даму және көші-қон комитетінің Жамбыл облысы бойынша департаментінің басшысы Әлімқұл Тұрысов зейнеткерлік өтілге не кіретіні, зейнетақы есептеу әдістемесі, зейнеткерлік жасты көтерудің кімдерге қатысты болмайтыны, зейнетақы рәсімдеуге өтініш беру мерзімдері жайында байыппен баяндады.
Басқосу барысында аудан тұрғындары қойған сан түрлі сауалдар жауапсыз қалған жоқ. Пікір-ұсыныстар да назарға алынды.
Кездесуді Сембек Әбетайұлы қорытындыласа, Үміткен Қапанқызы бүгінгі күні халықты толғандырған өзекті мәселелердің мәнін ашып берген қонақтарға тұрғындар атынан рахмет айтты.

С. БЕРТАЙҰЛЫ.

Бөлім:  Қоғам

Елбасы Нұрсұлтан Назарбаевтың Қазақстан халқына жариялаған «Төртінші өнеркәсіптік революция жағдайындағы дамудың жаңа мүмкіндіктері» атты Жолдауымен таныса отырып, еліміздің кешегі, бүгінгі және болашақтағы даму жолдары туралы мол ақпарат алдым. Еуразия кеңістігіндегі өзінің тарихи орнын анықтап, небәрі 26 жыл ішінде даму мен тұрақтанудың ерекше үлгісін көрсеткен жас мемлекетіміздің болашаққа жасалған нық қадамдары нәтижелі болды.
Мемлекет басшысы биылғы Жолдауында мұғалім мәртебесін арттыру мақсатымен білім берудің жаңартылған мазмұнына көшкен ұстаздардың лауазымдық жалақысын 2018 жылдың 1 қаңтарынан бастап 30 пайызға көбейтуді тапсырды. Әрине, бұл Елбасының келешек ұрпаққа сапалы білім, саналы тәрбие беріп отырған ұлағатты ұстазға деген құрметі деп білемін.
Сонымен қатар, Мемлекет басшысы биылғы жылдың басты құжатында 2018 жылы категориялар арасындағы алшақтықты арттырып, мұғалімдер үшін біліктілік деңгейін ескеретін категориялардың жаңа кестесін енгізуді тапсырды. «Категорияларды бүкіл әлемде қолданылып жүрген ұлттық біліктілік тест арқылы беру керек. Бұл педагогтарды өздерін ұдайы жетілдіруге ынталандыратын болады. Нәтижесінде, мұғалімдердің жалақысы біліктілігінің расталуына байланысты тұтастай алғанда 30 проценттен 50 процентке дейін өседі. Бұл үшін биыл қосымша 67 миллиард теңге бөлу қажет», – деді Елбасы.
Иә, ел мерейін асыратын биылғы жылдың басты құжатынан біз – ұстаздар қауымы үлкен үміт күтеміз.
Ақмарал Қыдырбекова,
Амангелді атындағы орта мектептің мұғалімі.

Бөлім:  Жолдау
Сенбі, 13 Қаңтар 2018 00:00

Дамудың жаңа мүмкіндіктері

Халқымыздың тұрмыс-тіршілігіндегі, еліміздің экономикалық үрдісіндегі ілгері қадамдар мен болашаққа бағдарлар Елбасының жыл сайын жарияланатын Жолдауында дәйекті түрде айқындалып отырады. Мемлекет басшысының құнды құжатынан жыл сайын өзгеріс, қарқынды қадам күтеміз.
Елбасының биылғы Қазақстан халқына арнаған Жолдауымен таныса отырып, ел өрісі мен өркениетінің әлемдік талғамға кеңінен құлаш сермегенін аңғардым. Ел өмірінің барлық саласын қамтыған Жолдау тәуелсіздігіміздің тұғырлы болуына бастайды деп сеніммен айта аламын.
«Төртінші өнеркәсіптік революция жағдайындағы дамудың жаңа мүмкіндіктері» атты бұл Жолдауында біздің ұзақ мерзімді мақсаттарымыз өзгеріссіз қала беретінін айтқан Елбасы маңызды 10 мәселені атап көрсетті. Олар – индустрияландыру жаңа технологияларды енгізудің жаңа көшбасшысына айналуы тиіс екені, ресурстық әлеуетті одан әрі дамыту, «Ақылды технологиялар» – агроөнеркәсіп кешенін қарқынды дамыту мүмкіндігі, көлік-логистика инфрақұрылымын арттыру, құрылысқа және коммуналдық секторға заманауи технологияларды енгізу, қаржы секторын қайта жаңғырту, адами капитал, тиімді мемлекеттік басқару, жемқорлықпен күрес және заңның үстемдігі, «Ақылды қалалар» – «Ақылды ұлт» үшін қағидасы.
Ендігі жерде біз Жолдау жүктеген міндеттер мен тапсырмалар үдесінен шығуға тиіспіз. Себебі бұл – қазіргі таңдағы жаһандық тұрғыда әлемде болып жатқан өзгерістерге сәйкестендіріліп жасалған үлкен бағдарлама. Елбасының ой-тұжырымдарынан туындаған тапсырмалар толық орындалған жағдайда мемлекетіміздің зор жетістіктерге жететініне сенімім кәміл. Біз өсіріп отырған ұрпақтың Мемлекет басшысы алға қойған мақсат-міндеттерді жүзеге асыра алатынына көзім жетеді.
Алпысбай Жұмаханов,
аудандық Қоғамдық кеңестің төрағасы.

Бөлім:  Жолдау
Сенбі, 13 Қаңтар 2018 00:00

Жаңа көкжиектерге шығарады

Президент Жолдауы – Қазақстан халқының және билігінің алдындағы шешілуге тиісті мақсат-міндеттер, жоспарлар мен шаралар. Олар қоғамның өзгеруіне байланысты өзгеріп отыруы міндетті. Ғылыми негізделген, осындай нақты міндеттерді шешу жоспарлары бар мемлекеттер ғана ойдағыдай дамуға қол жеткізеді. Оны әлемдік тәжірибе үнемі дәлелдеп келеді. Қазақстан – осындай мемлекет. Елбасының көрегендігі арқасында аз уақытта толағай табыстарға жетіп келеміз.
Елбасы жариялаған «Төртінші өнеркәсіптік революция жағдайындағы дамудың жаңа мүмкіндіктері» атты Жолдауында ел экономикасын дамытудың басым 10 бағытын көрсетіп берді.
Ұлт көшбасшысының алысты болжаған көреген саясаты нәтижесінде біздің еліміз биік белестерді бағындырды. Қазақстан 2017 жылы БҰҰ Қауіпсіздік кеңесінің тұрақты емес мүшесі болды, жаңа жылдан бастап біз оған төрағалық етудеміз. ТМД елдері арасында бірінші болып бүкіләлемдік мамандандырылған ЭКСПО көрмесін өткіздік.
Елбасымыздың дәл осындай нақты, уақытылы және сенімді түрде белгілеген жоспарлары мен міндеттерінен бастау алғанын ескерсек, бұл Жолдаудың мақсаттарын да орындап шығарымыз анық.
Өндіріс пен жаңа технологияларды үздіксіз жетілдіру, ауыл шаруашылығын заманауи деңгейге көтеру, білім мен денсаулық сақтаудың сапалық жағынан жоғарылай түсуіне мән беру сияқты жаңа мақсаттар мен әлеуметтік саланы нығайта түсу, әсіресе, білім беру саласының негізгі күші – мұғалімдердің әлеуметтік жағдайын жақсарта түсу мәселелері халықтың жоғары қолдауына ие болып отыр.
Бүкіл халықты нақты, айқын мақсаттарға бағыттап келе жатқан Елбасының бұл Жолдауы да әрбір қазақстандықтың рухын көтеріп, жаңа көкжиектерге бастарына күмән жоқ.
Нұрлан Несіпбеков,
«Нұр Отан» партиясы аудандық филиалы төрағасының бірінші орынбасары.

Бөлім:  Жолдау
Сенбі, 13 Қаңтар 2018 00:00

Жарқын болашаққа бағдар

Елбасымыз Нұрсұлтан Назарбаев жыл сайын Қазақстан халқына өз Жолдауын арнап, тәуелсіз Қазақстанның дамуының басты бағыттарын белгілеп келеді.
Күні кеше Мемлекет басшысы халыққа «Төртінші өнеркәсіптік революция жағдайындағы дамудың жаңа мүмкіндіктері» атты Жолдауын жариялап, өнеркәсіптік революция әлеміне бейімделудің және табысқа жетудің 10 міндетін атап көрсетті. 
Оның ішінде ең алдымен индустрияландыруға, әсіресе кәсіпорындарды жаңғыртуға және цифрландыруға, кешенді ақпараттық-технологиялық платформаларды белсенді түрде енгізуге, «Ақылды технологиялар» арқылы аграрлық ғылымды дамытуға, көлік-логистика инфрақұрылымының тиімділігін арттыруға, құрылысқа және коммуналдық секторға заманауи технологияларды енгізуге, қаржы секторын қайта жаңғыртуға айрықша назар аударылып отыр. Сондай-ақ Елбасының биылғы Жолдауында әр жылда негізгі міндетке айналып келе жатқан әлеуметтік салаға да ерекше көңіл бөлінді. 
Онда жастарды жаңа технологиялық жағдайға дайындаудың маңызды шарттары айтылып, білім берудің жаңа сапалық көрсеткіштері айқындалды. Осы ретте Елбасы білім беру мекемелері арасында бәсекелестікті арттырып, жеке капиталды тарту үшін қала мектептерінде жан басына қатысты қаржыландыру жүйесі енгізілетінін ерекше атап өтіп, азаматтарды әлеуметтік қаржылай қолдаудың басым бағыттарына тоқталды.
Елбасының биылғы Жолдауы – заманға сай тарихи өрлеу дәуіріне бастайтын, барша қазақстандықтарды ортақ мақсат жолында жұмылдыратын, әрбір азаматты нақты іс-әрекетпен өсуге жетелейтін, біртұтас ұлт болу қадамымызды айқындайтын өте маңызды құжат. Оны абыроймен атқару – баршамыздың абыройлы міндетіміз.

Рүстем Бегалиев,
аудандық мәслихаттың хатшысы.

Бөлім:  Жолдау
Сенбі, 13 Қаңтар 2018 00:00

Жарқын болашақ кепілі

Елбасының «Болашаққа бағдар: рухани жаңғыру» атты бағдарламалық мақаласы халықтың көкейінде жүрген көптеген құндылықтарды дөп басты. Соның ішінде білімнің салтанат құруын ерекше атап өткен жөн.
Ұлт көшбасшысының «Білімді, көзі ашық, көкірегі ояу болуға ұмтылу – біздің қанымызда бар қасиет. Тәуелсіздік жылдарында қыруар жұмыс жасалды. Біз он мыңдаған жасты әлемнің маңдайалды университеттерінде оқытып, дайындадық. Бұл жұмыс өткен ғасырдың тоқсаныншы жылдарының басында қолға алынған «Болашақ» бағдарламасынан басталды. Елімізде өте жоғары деңгейдегі бірқатар университеттер ашылды, зияткерлік мектептер жүйесі қалыптасты. Басқа да көптеген іс тындырылды» деген  сөздері ойлы адамға әсер етері сөзсіз.
Шынында, тәуелсіздік алып, ел іргесі берік бола бастаған тұста Елбасы көрегендік танытып, «Болашақ» бағдарламасын қолға алды. Осы бағдарламаның арқасында мыңдаған жастар «талаптың тұлпарына мініп», әлемдегі ең беделді деген оқу орындарында білім алды. Оқуын тәмамдаған қаншама түлек бүгінде ел игілігі үшін қызмет жасап келеді. «Болашақ» талай жастың жарқын болашағына жол ашты. Одан басқа да бірталай жобалар жүзеге асты. Атап айтар болсам, «Дипломмен – ауылға» бағдарламасы да сан түлектің бойында үміт отын жақты. Оқу орнын бітіріп, қолына дипломын алған қаншама жас маман ауыл-ауылдарда жұмыс жасап, сол аймақтың өсіп-өркендеуіне үлес қосып келеді. Елбасы өзі айтқандай, елімізде өте жоғары деңгейдегі университеттер мен зияткерлік мектептер ашылды. Өзіміздің жоғарғы оқу орындары да атынан ат үркетін әлемдегі көптеген университеттермен иық тірестіре алатын деңгейге жетті. Сән-салтанаты жарасқан отандық білім ордаларына жаһан қызыға да, қызғана да қарайды. Оқимын, білім аламын деген адамға мемлекетіміз бөгет болмайды, керісінше, қолдау көрсетіп, демеу болады. ЖОО-нан бөлек, еліміздегі зияткерлік мектептердің де деңгейі өте биік. Халықаралық олимпиадаларда жүлделі орын алып жүрген оқушыларымыз – осы сөзіміздің дәлелі. Зияткерлік мектептер сапалы білім беріп, саналы ұрпақ тәрбиелеп жатыр. Жоғарыда аталған жетістіктеріміздің бәрі елімізде білімнің қаншалықты салтанат құрғанын аңғартып тұр. Осылардың барлығы әуелі тәуелсіздіктің, сосын Елбасының сарабдал саясатының жемісі.
«Табысты болудың ең іргелі, басты факторы білім екенін әркім терең түсінуі керек», – дейді Мемлекет басшысы өз мақаласында. Расында, дамыған елдердің ішінен өз орнымызды ойып тұрып аламыз десек, алдымен білімді ұрпақ тәрбиелеу жолында аянбауымыз қажет. Себебі, білім салтанат құрған елдің болашағы жарқын, келешегі кемел болмақ.

Рина Жұмаділова,
Б.Тайшапұлы атындағы орта мектептің директоры.

Сәрсенбі күні Шайқорық орта мектебінің жанынан 50 балаға арналған «Сәдуәлі» шағын орталығының салтанатты ашылу рәсімі өтті. Салтанатты шараға аудан әкімінің орынбасары Ерлан Қыдыралыұлы, аудан әкімдігі білім бөлімінің басшысы Раушан Қожамжарова қатысты.
Ауыл тұрғындары алдында сөз алған Ерлан Қыдыралыұлы Шайқорық ауылының тұрғындарын осы шағын орталықтың ашылуымен құттықтап, ұжым жұмысына табыс тіледі. Жылы лебіздер легін жалғаған ауылдық ардагерлер кеңесінің төрағасы Орынбай Рысбаев шағын орталықтың ашылуына ықпал етіп, бүлдіршіндерге қуаныш сыйлаған аудан басшыларына ризашылығын білдірді.
Ізгі тілектерден кейін Ерлан Қыдыралыұлы мен Орынбай Рысбаев жаңа шағын орталықтың кермесін қиып, ғимарат ішін көпшілікпен бірге аралап көрді. Заманауи құрал-жабдықтармен толық жарақтандырылған орталық тұрғындар көңілінен шықты.
Салтанатты шара соңы концерттік бағдарламаға жалғасты.

Құрбанәлі Шахабай,
«Шұғыла».

Бөлім:  Білім
Сенбі, 06 Қаңтар 2018 00:00

Есте қалар ерекше күн

Жаңа жыл мерекесі жақындағанда балғын балалар Аяз ата мен Ақшақарды асыға күтеді. Қоржын толы қызыл қапты арқалаған Аяз ата алдында тақпақтарын айтып, әндерін шырқап мәз-мейрам болатын балалар құр алақан қайтпайтынын сезеді. Жаңа жыл мерекесі қарсаңында Гродеково ауылдық округі әкімі аппаратының ұйымдастыруымен ауылдық Мадениет үйінде «Жана жыл келді!» атты мерекелік шарада ертегілер еліне саяхат жасап, ән айтып, би билеген балғындар Аяз атадан сыйлық алды. Шараға, негізінен, әлеуметтік жағынан аз қамтамасыз етілген және көпбалалы отбасылардың балалары мен мүмкіндігі шектеулі жандар шақырылды. Жасыл шырша жарқыраған кеште ауыл әкімі Б.Қожабеков, «Талас» шекара комендантының тәрбие және әлеуметтік құқықтық жұмыстар бойынша орынбасары Д.Амренов, «Айшабибі» шекаралық бақылау бөлімшесінің бастығы А.Жарқынбек балаларды мерекесімен құттықтап, жаңажылдық сыйлықтарын тапсырды.
Жаңажылдық кеш соңында ата-аналар ауыл әкімшілігі мен «Талас» шекара комендатурасы қызметкерлеріне алғысын жеткізді.
Г. Даулбаева,
Гродеково ауылдық округінің бас маман-салық агенті.

Бөлім:  Қоғам
Сенбі, 06 Қаңтар 2018 00:00

Жаңа жылдың тұңғыш перзенті

«Көп бала көгергенімізге жақсы», «Балалы үй – базар» деп жатамыз. Өткен жылы Жасөркен ауылының тұрғыны Аида Жебегенова 8 ақпан күні дүниеге Шерхан, Дархан, Ерхан есімді үшемді әкеліп, аудан халқын бір қуантып тастаған еді.
Рас, биылғы жылдың басында өмірге үшем келмесе де, 2 қаңтар күні дүние есігін қыз бала ашып, 2018 жылдың тұңғыш перзенті болып тіркелді.
Асалық алтын құрсақты ана Динара Жалайырдың бұл екінші перзенті. Тұңғыштары ұл болатын. Бүгінде баланың да, ананың да денсаулықтары жақсы.
Дүйсенбек Орманов,
«Шұғылы».

Бөлім:  Қоғам
Бет 4 -ші 5 беттен

Серіктестер