Айшабибілік Арайлымның алтыны

Бөлім:  Спорт
| Автор:   17 Қаңтар 2018
Материалға баға беріңіз
(0 дауыс)

Бокс – бұл әлемдегі кең тараған спорт түрлерінің бірі. Кезінде осы спорт түрінен әлемдегі үшінші держава атанған елімізде бокс қарқынды түрде дамып, кеңге қанат жайды. Талай байрақты бәсекелерде ел мерейін үстем етіп жүрген боксшы оғландарымыз жетерлік. Ерлермен қатар, дүбірлі додаларда намыс туын жықпай, атой салып жүрген қыздарымыз да баршылық. Солардың бірі – айшабибілік ару Арайлым Бегділда. Арайлым жақында Үндістанда қыздар боксынан жасөспірімдер арасында өткен әлем чемпионатынан алтын жүлдемен оралды. 38 мемлекеттен, 150 былғары қолғап шебері қатысқан жаһандық додада Арайлым қарсылас шақ келтірмей, жеңіс тұғырының ең биік сатысына көтерілді. Ел намысын қорғаған 10 боксшының ішінде жалғыз алтын медальға ие болған да осы Арайлым. Айшабибілік арудың бұл, әрине, алғашқы әрі жалғыз жетістігі емес. Ол бұған дейін Түркия, Сербия, Украина мемлекеттерінде өткен халықаралық жарыстарда топ жарып, ел мерейін асқақтатты. Жастар арасында Қазақстанның 3 дүркін чемпионы деген дардай атағы тағы бар.
Алғашында каратэмен айналыса бастаған Арайлым кейін боксқа ауысқан. Бапкері – Мейірбек Чингильбаев. Айшабибі орта мектебінен түлеп ұшқан Арайлым қазіргі таңда Тараз мемлекеттік университетінде «дене шынықтыру және спорт» мамандығы бойынша білім алуда.
–  «Жасөспірімдер арасында әлем чемпионы атанғаннан кейін, ересектер құрамасына қабылдандым. Әлі алда талай дүбірлі додалар күтіп тұр. Ендігі мақсатым – сол байрақты бәсекелерде топ жарып, көк байрағымызды көкте желбірету, – дейді алтын қыз.
Арайлымның әлі талай биікті бағындырып, болашағының жарқын боларына сеніміміз мол.
Құрбанәлі Шахабай,
«Шұғыла».

Super User

Venenatis vitae, justo. Nullam dictum felis eu pede mollis pretium. Integer tincidunt. Cras dapibus. Vivamus elementum semper nisi. Aenean vulputate eleifend tellus. Aenean leo ligula

Сайт: www.joomshaper.com
Осы категориядағы басқа материалдар: « Тартысқа толы турнир Турнир ұйымдастырылды »
Пікір жазуға мүмкіндік алу үшін сайтқа өз атыңызбен кіріңіз

Серіктестер