Тарихи кеш тартымды өтті

Бөлім:  Тәуелсіздік
| Автор:   23 Желтоқсан 2017
Материалға баға беріңіз
(0 дауыс)

Тәуелсіздік ұғымы әрбір ұлтжанды азаматтың көкірегінде алау болып лаулап тұрмақ...
Аса дайындық білім беру орталығында «Тәуелсіздік – ата-баба арманы» атты өскелең ұрпаққа ұлағатты тәрбие беруге арналған іс-шара аудандық орталықтандырылған кітапхана мен Аса дайындық орталығының ұйымдастырумен өтті.
Тәуелсіздік тарихы мен жетістігіне арналған іс-шараға жергілікті ақын, жазушы, кітапхананың тұрақты оқырманы Байтанағали Төлентаев, Б.Момышұлы атындағы орта мектептің оқу ісі жөніндегі орынбасары Эльмира Есенбаева, директордың тәрбие ісі жөніндегі орынбасары Индира Жоланова, орыс тілі пәнінің мұғалімі Гүлсара Өмірзақова, мұғалім Ақерке Балқыбекова арнайы келіп, «Желтоқсан жаңғырығы» тақырыбы аясында өмір естеліктерінен сыр шертті.
«Тәуелсіздік – ата-баба арманы» деп айдар таққан кеш балалар хорымен ашылып, жүргізушілер – орталық кітапхана қызмет көрсету бөлімінің меңгерушісі Құралай Асхатаева мен оқушы Медет Сәткен Желтоқсан құрбандарын еске алу үшін үнсіздік жариялаумен бастады.
Іс-шара барысында «Тарих беттерін парақтасақ» тақырыбында кітапханашы Ақдана Құрымбаева мен Құралай Асхатаева мазмұнды баяндама жасады.
Желтоқсан ақтаңдақтары туралы «Тәуелсіздік» атты сахналық қойылым көрсетіліп, орталық тәрбие­лену­шілері Қазбек Шаханов, Абай Якупов, Әділ Бейназар, Жаңабек Сабыров өлең-жырлар оқып, көріністің әсерін тереңдете түсті.
Кеш соңында Тәуелсіздік тақырыбына арналған кітап көрмесімен танысқан оқушылар әдебиеттерді оқуға жаздырып алды.

Күнзипа Ситалиева,
«Шұғыла».

Super User

Venenatis vitae, justo. Nullam dictum felis eu pede mollis pretium. Integer tincidunt. Cras dapibus. Vivamus elementum semper nisi. Aenean vulputate eleifend tellus. Aenean leo ligula

Сайт: www.joomshaper.com
Осы категориядағы басқа материалдар: « Мерекелік медаль – таңдаулыларға
Пікір жазуға мүмкіндік алу үшін сайтқа өз атыңызбен кіріңіз

Серіктестер