Жеңімпаз облысқа барады

Бөлім:  Мәдениет
| Автор:   13 Желтоқсан 2017
Материалға баға беріңіз
(0 дауыс)

Жуырда «Сәуле» бөбекжайында мектепке дейінгі ұйымдардағы саз жетекшілеріне арналған «Ұлттық аспаптар шебері» атты аудандық байқау өтті. Байқауға «Сәуле» бөбекжайы (Аса ауылы), «Болашақ» (Жалпақтөбе ауылы), «Балдырған» (Аса ауылы), «Қарлығаш» (Айшабибі ауылы), «Нұршуақ» (Түрксіб ауылы), «Балапан» (Гродеково ауылы) бөбекжайларының саз жетекшілері қатысып, «Таныстыру», «Сахналық көрініс», «Ұлттық аспаптар арқылы этнопедагогикалық мәдениетті қалыптастыру» бөлімдері бойынша сынға түсті. Қазылар алқасының төрайымы аудан әкімдігі білім бөлімінің бас маманы Әлия Омарова мен алқа мүшелері – М.Төлебаев атындағы музыка мектебінің директоры Сарбиназ Қосанова, аудандық Мәдениет үйінің мәдени ұйым­дастырушысы Олжас Әлібай қатысушылардың ұлттық аспаптарда ойнау шеберлігі мен қойылымдардың патриоттық тәрбие мазмұнына сай болуын, саз жетек­шілерінің біліктілігі мен өнеріне қатысты пікірлерін, орнықты сындарын да айтты.
Байқаудың үш кезеңінің қорытындысы бойынша «Болашақ» бөбекжайының саз жетекшісі Ақмарал Абдрасилова Алғыс хат иеленсе, үшінші орынды Рахима Әбекова («Балдырған») мен Гүлнар Нусипова («Қарлығаш»), екінші орынды Анар Жұмағұлова («Нұршуақ»), бірінші орынды Айнұр Әбілова («Балапан») және бас жүлдені Азима Қылышбаева («Сәуле») жеңіп алды.
Іс-шара соңында қазылар алқасының мүшелері бас жүлдені иеленген бөбекжай ұжымы облыстық байқауға дайындалу керектігін хабарлады.

Күнзипа Ситалиева,

«Шұғыла».

Super User

Venenatis vitae, justo. Nullam dictum felis eu pede mollis pretium. Integer tincidunt. Cras dapibus. Vivamus elementum semper nisi. Aenean vulputate eleifend tellus. Aenean leo ligula

Сайт: www.joomshaper.com
Осы категориядағы басқа материалдар: « Жерлесіміз жеңіспен оралды Ақиық ақынға арналды »
Пікір жазуға мүмкіндік алу үшін сайтқа өз атыңызбен кіріңіз

Серіктестер